Itinalaga ni Pangulong Rodrigo Duterte si Retired Army General Ricardo “Dick” Morales bilang acting President At Chief Executive Officer ng Philhealth o Philippine Health Insurance Corporation.
Ito ang kinumpirma ni Health Secretary Francisco Duque the third bagama’t hinihintay pa anila ang pormal na appointment papers nito mula sa Malakanyang.
Papalitan ni Morales si dating Philhealth Chief Roy Ferrer na pinagbitiw sa pwesto ng pangulo kasama ang 6 pang appointed board members ng ahensiya dahil sa usapin ng mga pekeng claimants.
Si Morales ay isang Retired Army General, miyembro ng Reform The Armed Foreces Movement at una na ring itinalaga ni pangulong duterte bilang miyembro ng mwss board of trustees, halos isang buwan pa lamang ang nakakalipas.