Cagayan de Oro – MALAMPUSONG gipahigayon kagahapon, Oktubre 5 ning tuig sa kagamhanang lokal sa Cagayan de Oro pinaagi sa Community Improvement Division ug City Health Office uban sa hugot nga suporta sa The Challenge Initiative ug Zuellig Family Foundation, Department of Health ug Commission on Population Development Region 10 ang oryentasyon kabahin sa pagpalig-on sa ‘Family Planning and Reproductive Health Program’ sa matag trabahoan.
Kini agi’g pagpalapad sa kasayuran sa mga mamumuo sa matag kompaniya kabahin sa programa ug serbisyo sa ‘Responsible Parenthood and Family Planning’ kon RPFP.
Moabot sa walo ka mga pribadong kompaniya diin gitambongan sa ilang HR head/representative o company nurse ang misalmot nasangpit nga ‘Responsible Parenthood and Family Planning for Labor Force Empowerment’ nga naglangkob sa Nestle Philippines, Limketkai Mall, Amaya View, Ororama, Ayala Centrio Mall, Ubiquity, TP ug Concentrix.
News and photo courtesy of CIO CDO