GIDUSO na sa City Disaster Risk Reduction and Management Council (CDRRMC) ang Drought Early Warning System (DEWS) for Agriculture and Water Security human gipahigayon ang usa ka special meeting karong buntag.
Nalatid sa DEWS ang mga gabayan o ‘protocol’ ilabina sa mga apektadong sektor nga mao ang mga mag-uuma ingon man ang paghinay sa tubig.
Basi sa Localized Climate Outlook nga gilantaw nga forecast sa Cagayan de Oro gikan sa tuig 2022 hangtd 2050, makasinati ang syudad og dili masabot nga gidaghanon sa ulan ingon man “lesser precipitation” sa bulan sa September, October ug November, diin mao kini ang mga bulan nga gikonsiderang rainy season sa nasud.
Subay niini, makuting pagtuon ang gihimo sa mga sakop sa CDRRMC sa pagkab-ot sa DEWS sa wala pa kini giuyonan sa mga sakop ug giduso na sa konseho ning syudad alang sa usa ka ordinansa.
News and photo by Cheleste Simene