Boston, Davao Oriental – Gipahigayon sa lokal nga panggamhanan sa lungsod sa Boston, Davao Oriental ang pa-premyo alang sa mga bakunado nga gitawag kini ug Resbakuna Sa Roleta sa tumong nga mahatagan ug premyo ang mga bakunadong residente.
Sa gipahigayong livestream sa Resbakuna Sa Roleta sa milabay nga Setyembre 5 ning kasamtangang tuig, gi-bunot sulod sa roleta ang mga pangalan sa mga residente’ng bakunado na.
Ang mga pa-premyo gilangkuban sa home appliances, grocery packs ug sinakong bugas nga naangkon sa swerteng nakadaog. Ang naasoy nga lakang usa ka pamaagi sa Boston LGU aron mapasalamatan ang mga mituo ug misunod sa pag-awhag sa gobyerno nga magpabakuna kontra Covid-19.
Subay sa gipagawas nga datos sa Boston LGU, anaa na sa sobra sa 7,000 kun naa sa dul-an 50% sa 14,000 projected population sa Boston, Davao Oriental ang nabakunahan.
(Source: PIO Boston LGU)
