General Santos City – Gipagula na sa Sangguniang Panlungsod (SP) sa GenSan ang rekord attendance sa mga miyembro sa konseh atong 2023.
Asa base sa rekord gikan sa SP-GenSan, gigunitan ni kanhi ex-officio member Rolito Blando ang rekord sa labing daghang absent.
Sa rekord gikan sa 48 kinatibuk-ang sesyon atong ika-20th City council atong 2023 naa sa 16 ang natala nga absent ni Blando.
Asa 13 niini ang Official Leave (OL) samtang ang tulo mao ang Official Business (OB). Butyag ni Rosalinda Mondido, acting Sangguniang Panlungsod (SP) secretary nga ang kanunay nga pagsakit ni Blando ang sagad sa rason sa absent niini.
Samtang sa maong rekord, nakakuha usab og perfect attendance sa 48 ka sesyon nilang konsehal Elizabeth Bagonoc ug Richard Atendido. Giklaro ni Mondido nga gitugotan ang pag-absent kung justifiable reason, asa sagad sa mga konsehal wala kaayo’g absent.
Samtang, gisulayan sa news team sa pagkuha ang pamahayag sa kanhi Konsehal pinaagi sa numero sa anak niining kasamtangang konsehal apan duna kini meeting hinungdan nga wala natubag ang atoang pangutana.
