Del Carmen, Surigao del Norte – Nasikop sa mga operatiba sa kapulisan sa Del Carmen Municipal Police Station an 25 anyos na suspek atol sa hot pursuit operation sa Purok-2, Barangay Del Carmen Poblacion, lungsod sa Del Carmen, tungod sa paglapas sa R.A. 10883, an Anti-Carnapping Act of 2016.
Si Provincial Director, Police Colonel Laudemer M. Laude, niila sa suspek na 25-anyos na lalaki, ulitawo, wayay trabaho, ug residente sa Purok-5, Barangay San Jose, Del Carmen, Surigao del Norte.
Sa imbestigasyon sa kapulisan sa Del Carmen ngadto na sa biktima nasayran na an motorsiklo gi-park suyod sa bayay na biktima sa dihang gihimo na an krimen giguba an suga sa kilid nan gate, nisuyod na bayay dajun gikuha an motorsiklo.
Nakuha sa suspek an isa ka unit sa Honda Beat V3, gray/black, wayay plate number, na may serial number JF96E7-34339 sa kantidad an motorsiklo na P73,400.00.
An dinakpan ug an narekober na motorsiklo jaon sa kustodiya sa Del Carmen Municipal Police Station alang sa tukmang disposasyon. (Ronda 21 Mark James Lisondra)