Human sa siyam ka adlaw nga isolation didto sa Dipolog Sports Complex, Barangay Olingan, nigawas na sa maong isolation facility si Covid-19 Patient 002 sa nakalabayng semana ug mipauli ngadto sa Zamboanga City sakay sa ambulansya sa ZN Medical Center hospital.
Kahibaloan subay sa migawas nga resulta sa gihimong ‘re-swab testing’ ngadto ni Patient 002 nga nagpatambal didto sa Corazon C. Aquino Hospital (CCAH), nag negatibo na kini sa Covid-19 nga nasayran kaniadtong Hunyo 20. Gisunod gilayon ang pag-isolate kaniya didto sa Dipolog Sports Complex.
Nasayran nga si Patient 002 ang nagpabiling himsog, maayo ang panlawas ug asymptomatic human nasayran nga nag negatibo sa sakit nga Covid-19 hangtud siya gi-isolate didto sa nasangpit nga dapit.
Atol sa iyang pag-uli, mapasalamaton si Recovered Covid-19 Patient 002 sa gipakitang maayong pag-atiman sa mga doctors ug nurses nga nagmonitor didto sa Dipolog Sports Complex sa Barangay Olingan tungod sa kalipay nga naulian na siya ug nakauli na.