Rebate sa singil sa tubig ng Manila Water papatak na sa June billing

Asahan sa Hunyo na water bill papatak ang rebate o balik-bayad ng Manila Water sa lahat ng kostumer nitong naapektuhan ng problema sa suplay ng tubig.

Lahat ng kostumer ng Manila Water ay may bawas sa unang 10 cubic meters na konsumo sa June billing.

May rebate na P2,197.94 ang bawat isa sa 140,000 kostumer na “severely affected” o nakaranas ng walang tubig sa loob ng 7 araw.

Ang naturang rebate ay bilang multa ng Metropolitan Waterworks and Sewerage System o MWSS sa Manila Water.