Usa ka Internet cafe ug pipila ka mga tawo ang giisyuhan og Ordinance Violation Receipts (OVRs) tungod sa nagkadaiyang kalapasan sa City Hall’s Regulatory Compliance Board (RCB) atol sa ilang inspeksyon sa Barangay Gusa, dakbayan sa Cagayan de Oro niadtong Biyernes (Abril 11).
Ang Internet cafe naglihok nga walay business permit samtang daghang mga tawo ang nadakpan nga nakalapas sa city ordinance no. 5133 nga nagdili sa pag-inom og ilimnong makahubog sa mga pampublikong lugar. Nahitabo ang inspeksyon sa Barangay Gusa kauban ang mga barangay tanod ug personnel sa Police Station 3 sa Agora, Lapasan.