Radio anchor na si Neil Ocampo pumanaw na

Pumanaw na ang beteranong radio anchor na si Neil Ocampo sa edad na si 62 anyos.

Sa pamamagitan ng Facebook post ng kaniyang anak na si Aristotle, kinumpirma nito ang pagpanaw ng kaniyang ama kahapon, ika-10 ng Agosto.

Kasabay nito, humiling ng panalangin ang mga naulila ni Ocampo.

Ipinabatid din ng pamilya na dahil sa pandemya ay kailangang limitahan lamang sa immediate family members ang pagbisita sa burol ni Ocampo na nai-cremate na.

Si Ocampo ay matagal nang anchor ng radio station ng ABS-CBN na DZMM.