Nakatakda nang hisgutan sa General Santos City-IATF ang posibleng pagbago sa quarantine classification sa siyudad nga ipatuman sa bulan sa Hunyo.
Sa gitunol nga impormasyon sa RPN DXDX ??????, nasayran nga nagpatawag na og emergency meeting si City Mayor Ronnel Rivera sa mga miyembro sa City-IATF aron hisgutan ang posible pang lakang sa city government, taliwala sa padayong pagsaka sa kaso sa Covid-19 sa siyudad.
Gikataho usab nga nakatakdang paminawan sa local chief executive ang latest Covid-19 situations sa GenSan ug hisgutan ang tanang mga opsiyon nga mahimo pa sa gobyerno batok sa pandemiya.
Una nang gikataho ni IATF Deputy Commander, Dr. Ryan Aplicador nga puno na sa mga pasyente ang Dr. Jorge P. Royeca Hospital ug adunay usa na lamang nga available ICU bed, alang sa mga “moderate and severe” cases.
Sa bahin ni local IATF incident commander, Dr. Rochelle Oco, aminado ang opisyal anaa matod pa ang posibilidad sa mas pahugtan pa ang quarantine measures sa GenSan, higayon nga magpadayon pa ang pagsaka sa kaso sa siyudad.
Sa kasamtangan, anaa sa modified general community quarantine (MGCQ), diin, subay sa National IATF resolution, molungtad ang maong quarantine status, taman sa katapusan ning kasamtangang bulan.
(John Rey Somido)
