Haros 800 PWDs an nagpasering sa Iriga City Sports center para ecelebrar an PWD Day na pinanginutan kan Persons with Disabilities Affairs office (PDAO), sa pamamayo ni Mr. Gady Llamansares.
Aki man o Gurang sinda naoogma sa mga itinao kan Local na Gobierno kan Iriga. Magin an mga PWDs nagpaheling man kan saindang solamenteng talento na ikina-ogma man kan mga paradalan, kaibanan sa mga nag-atinder sa nasabi nang okasyon si Mayor Rex Oliva na nagtao nin inspirational message sa mga presente sa okasyon.
Matapos an mga pakawat asin papremyo nagtao man an PDAO asin PWD kan saindang mga naginibo sa taon 2022, mantang sinda nagpili naman nin mga bagong opisyal para sa pederasyon na magtutulod kan mga programa para sa mga PWDs.
Laen pa digdi tinawan man ni pitong (7) kilos nin bagas an mga nag-atinder na PWDs. Para sa mga aki sinda tinawan man nin mga regalong kawatan. (Jv Navarro Verdeflor Jr.via LGU Iriga City)
