Makumikom ti Provincial Veterinary Office a tumultulong kadagiti umiliditoy probinsia nga adda iti tarakenna.
Imbatad ni Provincial Veterinarian Dr. Loida Valenzuela a nagibunongda ti drum a pagurnongan dagiti maseknan ti danum iti umabagatan ken dumaya a paset ti probinsia pakairamanan dagiti naipasdek nga “Animal Shelter”.
Malaksid iti daytoy inlawlawagna nga adda pay dagiti ibunbuningda a “planting materials” tapno adda ti imula dagiti bumarangay iti asideg dagiti naiyestablisar nga animal shelter a mabalin a magaik ken maipakan kadagiti taraken no adda ti sumkangbay a kalamidad.
Kabayatanna, inpakaamona a planona nga irekomendar ken ni Gob. Matthew Marcos Manotoc nga apaman a sumayaat bassit ti panawen ket mapanda mangipan ti “feeds” diay pagudpud nga ipakan dagiti maseknan kadagiti tarakenda nangnangruna iti baboy.
Inbunannagna a naitantan ti pannakaiyawat dagiti Burias ken feeds para idiay Pagudpud, Bangui ken Burgos gapu iti bagyo.
Innayonna a mabalin dagiti immune a naipaayanen ti taraken ti agkiddaw manen ti tarakenda no nasayaat ti panangipatungpalda iti obligasyonda iti nasao a proyekto.
(OIC Rod Sadian, RPN DZRL Batac)
(Source: Provincial Government of Ilocos Norte)