Calinan, Davao City – Dakpan sa mga sakop sa Calinan Police Station ang usa ka Purok Leader sa Calinan Poblacion human kini napalitan ug illegal nga druga alas 2:15 Domingo sa hapon, Hulyo 4, 2021 sa Teacher’s Village, Calinan ning siyudad.
Si Police Major Jake Goles, hepe sa Calinan Police Station nag-ila sa dinakpan nga sir Ricky Abdul, alyas Abdul, 44 anyos, taga Purok 25 Barangay Calinan. Sumala ni Major Goles nga si Abdul napalitan sa ilang poseur buyer ug usa ka pakete sa gituhoang shabu nga nagkantidad ug ₱ 1,000 pesos. Laing upat pa ka mga pakete nakuha usab gikan sa posesyon sa dinakpan.
Kinatibuk-ang ₱ 5,000 pesos sa mga illegal nga druga nakuha gikan sa suspek kinsa mag-atubag ug kaso’ng kalapasan sa Republic Act 9165 kun Comprehensive Dangerous Drugs Act 04of 2002 sa korte ning siyudad sa Davao.
(Source: Calinan Police Station)