27.2 C
Manila
Friday, March 29, 2024

Pulis ya confisca smuggled cigarillo na Zamboanga Sibugay

- Advertisement -

El pulisiya ya confisca valor de deci-siete mil seis sientos pesos smuggled cigarillo na provincial del Zamboanga Sibugay.

Asegun con Police Colonel Richard Verceles, el operations chief del Area Police Command-Western Mindanao, con el maga smuggled cigarettes ya confisca maga alas tres cuarenta del tarde del Lunes alla na Purok Golden Shower, Barangay Libertad, Tungawan, Zamboanga Sibugay.

Asegun con Verceles nohay con kien ya puede aresta por causa el maga duenio del contrabando ya istindi cuando ya nota sila tiene maga pulis ta llega.

Si Verceles ya habla cay ya confisca maga pulis na Purok Golden Shower, Barangay Libertad villages suma total de cuarenta’y cuatro carton de cigarillo que tiene el valor de deci-siete mil seis sientos pesos.

El maga confiscao cigarillos ta esta ahora bajo’l custodiya de pulisiya na municipio de Tungawan, Zamboanga Sibugay. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -