Cebu City – Dugoun ang adlawng Lunes, Abril 19, 2021, gumikan sa kamatayon sa pulis nga gi-reklamo’g rape ug pangpangilkil sa usa ka babayeng taga Minglanilla, kinsa unang gipusil-patay sa Bayanihan Village, N Bacalso Ave., Barangay Basak Pardo, Syudad sa Sugbo, pasado alas 6 sa gabii.
Pasado alas 9 kagabii, nag kub ang patayng lawas ni P/S Sgt. Celso Colita kinsa giingong nagpusil sa kaugalingon sud sa Comfort Room sa Regional Police Drug Enforcement Unit-7.
Gibutyag sa pangu sa RPDEU-7 Major Glenn Hife nga iyang gipatawag kagabii ang mga nalambigit nga mga pulis human sa pagpusil-patay ni Nepumoceno.
Gipangutana sab ni Hife si Colita kung duna ba siyay kalambigitan sa kamatayon sa maong babay, apan wa kini motingog.
Nananghid si Colita nga mo CR, apan misunod na ang gi-ingong pagpusil sa iyang kaugalingon nga misangpot sa kamatayon.
Si Colita,45 anyos, minyo, usa sa 13 ka mga pulis nga gi relibuhan human pasanginli nga nang rape ug nanagyo ug kwarta mi Nepomuceno.
Unang gipusil-patay si Nepomuceno sa wa mailhing responsable nga riding-in-tandem nianang pasado alas 6 sa gabii.
Ang Commission on Human Rights o CHR-7 ug ang Integrity Monitoring and Enhancement Group-Visayas (IMEG) miangkon sa mga tigbalita nga si Nepomuceno usa sa midangop kanila tungod sa nasinating pang-abuso sa mga polis sa Sawang Calero.
Si Major Alejandro Batobalonos, hepe sa IMEG-Visayas, miangkon nga nakalitan siya pagkadawat sa balita.
Sa nasayran, giparelibohan sa Police Regional Office o PRO-7 ang 11 ka sakop sa Sawang Calero Police Station sa imaging buwan.
Kini dihang misang-at si Nepomuceno og kasong rape ug extortion batok kanila.
Misalga usab sa imbestigasyon ang CHR-7 tungod sa taho nga gitanggong ang mga babaye sa se kretong presohan diin sila giingong gi-torture ug gilugos. (Jhon Tadlip/JTY)
(Source: Regional Police Drug Enforcement Unit |Â CHR-7, photo courtesy of Cebu City Police Office | RPDEU-7)
