Misaad ang Department of Health Region (DOH-10) nga e-replenish kon pulihan ang mga dili na mahimong magamit nga Sinovac Vaccines nga lakip gilamoy sa kalayo atol sa nahitabong sunog niadtong nakalabayng semana hinungdan nga naugdaw ang building sa Provincial Health Office sa Misamis Oriental.
Ang maong mga bakuna nasuta nga mokabat 30 doses nga mamahimong maka-inoculate unta og 30 sab ka indibidwal.
Bisan niining pait nga panghitabo, isa sa gipasalamatan sa PHO kauban ang DOH nga mao na lamang kini ang nahabilin sa pasilidad gikan sa daghanang vials niini nga gipang-apod-apod na ngadto sa mga balay tambalanan ning lalawigan.
Pahasubong sugyot sab sa Gobernador nga sayang man ang maong mga bakuna tungod kay dako kaayo og tabang ang per dose niini dala ang paglaom nga mahunong ang pagkaylap sa CoVid-19 apan mas mapasalamaton nga walay kinabuhi nga nakalas gikan sa maong trahedya.
Matud ni Regional Director Jose R. Llacuna Jr., Director IV sa DOH-10 nga dili sila magmakuli sa pagtabang ug sa walay paglangan aksyonan ang pag-allocate sa mga bakuna alang sa MisOr tungod kay ang panggamhanang lokal giisip nga aktibong extension DOH aron mapaabot ang halapad nga proteksyon sa panglawas.
“Actually sa Covid vaccines, 30 doses lang. Salamat kay dili kaayo daghan. So we can replenish that immediately, naa koy commitment ana,” sulti sa DOH-10 Director.
Pasaig ni Director Llacuna nga magpahigayon ang DOH-10 og courtesy call kang Gobernador Bambi alang sa hisgutanan sa mga tukmang lakang mahitungod na sa vaccination process isip nagsilbing prayoridad pa gihapon karong panahona.
Wala man damha ang nahiagumang trahedya sa maong buhatan pabiling positibo si Gobernador Bambi nga makabangon sa hingpit ang PHO ug mapadali kini uban sa tabang sa labaw ng makagagahom, tibuok Kapitolyo Probinsyal nga gilangkoban sa MODHA ug ang mga SP Board Members nga anaa kanunay mosapnay ug mosuporta. (Public Information Office)