Cebu City – Naluwas sa mga emergency responders and lalakeng nagtinguha nga molayat sa Sergio Osmeña Bridge o Old Bridge, Abril 20, 2021.
Mikabat og pila ka minutos ang pag-amam ngadto sa usa ka Tagalog speaking nga si Richard, sa sakop sa Bureau of Fire Protection negotiator Cunar pero milampos ra gyud sila sa pagsalbar sa kinabuhi niini.
Naglangkob sa mga mi respondi ug gipasalamatan ni Lapu-Lapu City Mayor Junard Chan ang BFP, CDRRMO sa Lapu-Lapu City ug Mandaue, mga sakop sa kapulisan, mga CTMS ug uban pa.
Matod ni Chan, nasuta nga adunay problema sa pamilya ang maong lalaki ug naabot na sa punto nga di na niya makaya ang gibug-aton sa iyang gihambin nga suliran.
Panawagan niya sa mga Oponganon nga dili gayud tukma nga solusyon ang pagkutlo sa kinabuhi kay ang problema lumalabay ra.
“Adunay kasulbaran ang tanan basta ato kining isalig sa Labaw ng Makagagahum. Ayaw lang gyud kamo kalimot sa pagsampit Kaniya…” tambag ni Chan.
Gipahibaw niini nga hapit na usab magpahigayon og Libreng Counselling sa syudad alang niadtong mga Oponganon nga naglisod kung unsaon nila paghandle ang stress o depression.
Pinaagi ni CSWDO Head si Annabeth Cuizon, ang syudad naka mugna ug programa kalabot sa mental health issues.
Niadto lang Abril 9, 2021, usa ka 23-anyos nga babay nga nag ungaw na sa peligro gumikan sa planong pag ambak sa First Bridge, naluwas sa usa ka van driver/operator kinsa dali nga naka dagan padung sa nahimutangan sa maong babay ug miluwas niini.
Ang maong babay duna say gi-atubang nga bug-at nga problema.
Usa ka Archie Ritchie Arnada ang gipasidunggan sa sa kagamhanan sa syudad sa Lapu-Lapu tungod sa iyang kapaspas sa pag respondi sa sitwasyon. (Jhon Tadlip/JTY)
(Source: Lapu-Lapu City CDRRMO, photo courtesy by Nagiel Bañacia | Eye in the Sky)