Tiniyak ni dating special assistant to the president ngayo’y Senator Christopher Bong Go na walang dapat ipag-alala anbg publiko sa kalagayan ng kalusugan ni Pangulong Rodrigo Duterte.
Ito ay matapos na muling hindi makadalo ang Pangulo sa mga nakatakda nitong aktibidad nitong nakalipas na dalawang araw.
Ayon kay Go, nakaranas lamang ng pananakit ng tiyan ang Pangulo dahil sa kanyang maling nakain at walang matindi o seryosong nangyari dito.
Kasabay niyo, humiling naman ng dasal si Go para sa mabilis na pag-recover ni Pangulong Duterte sa dinaramdam.
Kahapon, nakatakda sanang bisitahin ng Pangulo ang mga biktima ng lindol sa Malalag Davao Del Sur habang hindi rin ito nakapunta sa mga biktima ng lindol sa Padada Davao Del Sur noong Huwebes.