Nagapela ni Dr. Josephine Ruedas, Officer In-charge ti Provincial Health Office kadagiti kaprobinsiaan nga adda ti am-ammoda a naggapo kadagti lugar a naapektaran ti “corona virus” ket makikoordinar dagitoy iti opisnada.
Imbatadna a saanna a kaipapanan nga idiay laeng China ti naggapoan dagiti maseknan
Inlawlawagna a saanna met a kayat a sawwen a dagus a mai-quarantine dagitoy.
Kuna ni Ruedas a maipadalan nga umuna dagiti maseknan iti “evaluation” tapno maammoan no naapektaranda wenno saan.
Inbunannagna a kasapulan ti pannakitinnulong ti publiko gapu ta maapektaran ti “coronavirus” dagiti tattao ken ayup.
Mangnamnama ti OIC Provincial Health Officer a babaen iti daytoy ket mapagtalinaed a “coronavirus free” ti Ilocos Norte a kas iti kalikagum ni Gov. Matthew Marcos Manotoc.
Kaabayatanna, impatalged ni Ruedas a nupay awan iti direct flight manipud idiay China ket adda ti quarantine officer iti Laoag International Airport.
Innayonna a ti laeng sintomas ken pagilasinan iti nasao a sakit ket kasla iti trangkaso.