Mamati ni provincial Agriculture Officers Mrs. Norma Lagmay a dakkel ti maitulong na kadagiti mannalon ken mangngalap iti pannaka-establisar ti Ilocos Norte Agriculture Fishery Extension System wenno “INAFES”.
Kuna ni Mrs. Lagmay a madaman iti pannakaipatakder ti 3 storey building a naawagan iti Ilocos Norte Agriculture and Fishery Extension Center a pakaidanonan dagiti amin nga isyus, problema ken kasapulan pakaseknan iti industria ti agricultura ken fishery iti intero nga Ilocos Norte.
Nibatadna a nakaited metten ti DA, MMSU, NTA, Phil Rice, Irrigators Association, BFA, NIA ken dadduma pay a nakibinnulig iti nasao a proyekto ti tulong da a pundo a nangrugian iti pannakaipatakder ti umuna a paet ti building.
Inlawlawag na nga addan to dagiti pusgan ni Gobernador Matthew Marcos Manotoc a mangiwanwan iti nasao a center pakairamanan dagiti nagduduma a teams iti biang ti livestock, agribusiness, agri-infra ken amin a sector iti fishery.
Inpalgakna a diretso dayotoy kadagiti kabinnulig nga LGU’s ken League of Municipalities pakairamanan dagiti Association of Agriculturist iti intero nga Ilocos Norte.
Kangrunaan a gagem ti nabukel nga INAFES ket tapno maaddaan ti maymaysa a direksion ken panagtitinnulong dagiti amin a maseknan a mangipaayiti kasapulan a probinsia a pakabenepisiaran dagiti dandani 70 ribu a mannalon ken 15 a mangngalap.
Inpannakkel ni Mrs. Lagmay nga addan to iti identification card dagiti amin a mannalon ken mangngalap babaen iti maaramid a Farmer’s ID System a maipan ti computer nga alisto a pangkitan iti nagan dagiti mannalon manipud kasulinekan a paset ti Ilocos Norte no anian dagiti naipaay a ramit wenno tlong iti organisasion dagiti agtaltalon.
Maipalagip a napirmaan ti Memorandaum of Agriment iti Pebrero 28 iti daytoy a tawen nga inatendaran dagiti maseknannga opisial ken ahensia pakairamanan ni Ilocos Norte Gov. Matthew Marcos Manotoc no sadino a napasingkedan ti INAFES a Pilot Project ti Dept. of Agriculture iti intero a Pilipinas. (Rosita Macalipis, RPN DZRL Batac Correspondent)
(Source: Provincial Agriculture Office)