Misamis Oriental – Nanawagan si Provincial Health Officer Dr. Teodoro Yu Jr. sa publiko nga magbinantayon kalabot sa sakit nga Mpox ug Dengue.
Matud ni Dr. Yu matud ni Yu atol sa programang pamilyang misamisnon unahon nga gidumala sa PIO Mis Or nga ang, preventive measures ang kinahanglan nga pagabuhaton aron makalikay sa maong mga sakit.
Bisan paman walay kumpirmadong kaso sa mpox sa probinsya, giawhag niini karon ang publiko sa pagtuman sa respiratory etiquette.
Gilangkuban kini sa pagtambon sa baba kon mo-ubo ug maghatsing, proper ventilation, paghugas sa kamot ug paglikay sa pakig-close contact sa mga tawo nga adunay mpox ug dunay sintomas niini.
Samtang aron kalikayan ang dengue gikinahanglan ang pagsunod sa 5S strategy.
Matud ni Dr. Yu ang probinsya maoy ikaduha sa pinakataas nga kaso sa dengue sa tibuok rehiyon 10 sa ihap nga 2,839 ug 23 nga namatay.
Gumikan niini ang buhatan nag-issue og code white alert sa 8 ka mga balay-tambalanan sa probinsya diin gipatuman ang dengue fast lane.
Dugang ni Dr. Yu nga nag-activate usab ang buhatan sa dengue quick response team.
News and Photo courtesy of PIO Mis. Or.