Di pa lamang dugay gi butyag ni Police Superentendent Diomedes B. Cuadra Jr., ang hepe sa kapulisan nga ang problema mahitungod sa mga kompyuteran diin ubay-ubay nga mga kabataan ang nag-gugol sa oras ug ang uban di na musulod sa klase ug anaa pod ang uban ma buntagan pa.
Sumala pa sa opisyal gitutukan sa iyang mga ginsakupan ang pag sumpo sa maong problema pinaagi na sa oplan bantay ciudad nga diin ubay ubay nga mga kabataan ang ilang na rescue ug napauli. Dugang pa nga ang mga LGU mutabang usab unta sa pag sumpo niini nga problema aron ug dili isalig tanan sa kapulisan kun my ordinansa alang niini kinahanglan ipatuman sa LGU kun kinahanglan ipasirado kun closure dapat tumanun.
Dugang pang problema mahitungod sa curfew sa mga kabataan diin bisan dis oras sa gabii, daghan pang kabataan ang ilang ma-sipyatan, ila man kining gipauli pero ang uban, kapulisan ra sad ang gibantayan sa mga kabataan kung asa sila mangagi ug mugawas ra human inig-tago. Hangyo sa opisyal nga mutabang usab unta ang mga ginikanan sa pag suhito sa pag sagda sa ilang mga anak kay sila man ang adunay dakong katungdanan ug lakip na sad ang BCPC nga maoy mu alalay sa pag sulbad sa problema sa curfew.