Presyo sa mga palaliton sa Northern Mindanao misaka

CAGAYAN DE ORO CITY- Namalikdan sa Department of Agriculture, Region 10 nga adunay pagsaka sa presyo sa mga nag-unang palaliton sa rehiyon. Matud pa ni DA Assistant Regional Director Carlota Madriaga nga subay sa ilang price monitoring report sa nakalabay nga adlaw, ang presyo sa baboy ug manok apil utanon ang hilabihan nga pagsaka.

Nabantayan usab nila ang pagsaka sa presyo sa imported rice kon itandi sa locally produced nga mga bugas. Hinuon, ang Northern Mindanao adunay sufficiente nga supply sa basic commodities gawas sa bugas.

Gisugilon ni Madriaga nga ang DA nagtinguha sa pagkab-ot sa 95% rice sufficeiency level sa Northern Mindanao niining tuig 2021. (Gin B. Serohijos/ DA-10)