Cebu City- Kontrolado gihapon ang presyo sa face mask bisan wala nay report sa panic buying sa katindahanan.
Kini ang gitataw sa director sa Department of Trade & Industry kun DTI 7, Asteria Caberte.
Sumala pa ni Caberte, epektibo gihapon ang gipatuman nilang price freeze bisag wala nay panic buying sa face mask.
Matod ni Caberte, ang Department of Health (DOH) ang miisyo sa price freeze sa maskara taliwa sa hulga sa
coronavirus ug dili ang DTI.
Dihang mao pay pagsugod sa pagkatap sa Covid 19 sa China, gipagawas sa DOH ang mando pagpugong sa presyo sa
face mask dihang nabaniog ang pagpatuyang sa ubang negosyante pagpamahal sa presyo sa maong produkto.
Tungod sa mitumaw nga panic buying sa kabalaka nga hitaptan sa virus, nahurot-hurot ang pundo sa face mask.
Gitataw ni Caberte nga nahibalik na sa normal ang supply sa face mask dihang gi-tap nila ang local supplier sa nasod nga
maka-produce og 80 mil ka face mask matag adlaw.
Gawas niini, nakakita usab ang ahensiya og supplier sa gawas sa nasod.
Pero taliwa niini, gitataw ni Caberte nga padayon gi-monitor sa DTI ang presyo sa face mask sa mga botika aron
pagseguro nga walay mag-overprice.