Cagayan De Oro City – Usa ka portion sa Purok 5, Zone 10-B sa Upper Baranggay Carmen ning syudad sa Cagayan de Oro ang gipahimutang ubos sa localized containment sugod niadtong miaging adlaw, Agosto 12, tapos namatay ang usa ka 73 anyos nga babayeng residente kinsa nagpositibo sa Covid-19, ika-walo sa narecord nga nakabsan sa kinabuhi dinhi sa syudad tungod sa maong sakit.
Sa usa ka press briefing, gibutyag nga ang namatay adunay travel history gikan sa probinsya sa Bukidnon ug nakasinati sa hypertension, Type 2 Diabetes ug Chronic Kidney disease. Ang iyang patay’ng lawas gicremate niadtong Martes sa hapon ug nailhan na usab ang 13 ka mga tawo nga adunay close contacts niini nga nag-apil na sa mga hospital workers ug lima ka mga kauban sa pamilya niini, matud pa ni resident epidemiologist Dr. Teodulfo Joselito Retuya.
Ang tanan nga nahimong contacts ang giquarantina na sa city isolation units ug gipaubos sa ilang pagmonitor samtang ang City Health Office mipalapad pa sa ilang contact tracing uban sa pag-abag sa barangay health emergency team sa Carmen.
Alayon niini, nag-awhag si City Mayor Oscar Moreno sa kooperasyon sa mga residente sa maong lugar diin siya nag-awhag kanila nga magpuyo lang una sa ilang panimalay samtang adunay pagkaon nga itunol sa ilang tagsa-tagsa ka pinuy-anan sulod sa duha ka semana nga quarantine, matud pa sa Mayor.
(City Information Office)
(Source: CDO COVID19 Response)