Cebu City – Gikustodiya na karon sa kapolisan human nasikop sa entrapment operation ang usa ka police intelligence officer sa Lungsod sa Carmen, Lalawigan sa Sugbo, Biyernes (Marso 12) tungod sa giingong nangilkil ug kwarta gikan sa pamilya sa na aresto nga drug suspect.
Kagahapon gi entrap si Executive MSgt. Julius Medura Obanana basi sa pasangil nangayo kini ₱ 3,000 sa inahan sa drug suspect bugti sa pag-uli sa motorsiklo sa pamilya nga ilang(pulis) nakuha atol sa usa ka buy bust operation.
Gibutyag ni Maj. Alejandro Batobalonos, pangu sa Integrity Monitoring and Enforcement Group ( IMEG) Visayas Field Unit( VFU) nga si Obanana unang naka sikop ug suspetsado sa ginadiling druga ug gi sakmit ang motor.
Ang naka apan matod pa, ang maong motorsiklo wala matala isip ebidensya sa ilang spot report.
Sa dihang boot kuhaon sa ginikanan ang maong motor, giingong ipalukat kini Obanana sa kantidad ug ₱ 3,000.
Matod ni Batobalonos nga dunay naka tambag sa pamilya, hinungdan midangop sila sa ug nagpakitabang s sa IMEG, ug giplano ang entrapment operation.
Ang nahisgutang intelligence officer nga si Obanana wala maka bantay nga gi entrap na kini.
Mismo sa Batobalonos ang nakakuha sa “dusted money” gikan sa bulsa ni Obanana.
Wala hinoon kini (Obanana) mo resist atol sa pagpusas na niya apan nagdumili pagtubag dihang gipangutana sa sakop sa media.
Sigon pa ni Batobalonos nga ang pagka sikop ni Obanana tipik sa padayon nilang internal cleansing sa hanay sa kapolisan.
Sa iyang bahin, ang pangu sa IMEG gisayangan nga gibaylo lang sa maong police ug P3,000 ang 24 niya ka tuig nga serbisyo. (Jhon Tadlip/JTY)
(News & photo courtesy of Integrity Monitoring and Enforcement Group Visayas Field Unit)