Nangunguna pa rin si reelectionist Senadora Grace Poe sa inilabas na March 2019 senatorial survey ng Pulse Asia.
Batay sa isinagawang survey, nakakuha ng 72.6 percent si Poe na sinundan ng kapwa reelectionist Senadora Cynthia Villar na may 63.7 percent.
Samantala, nasa ikatlong pwesto naman si Senador Sonny Angara na sinundan nila dating Special Assistant to the President (SAP) Bong Go (3-5), Taguig Rep. Pia Cayetano (4-6), dating Senador Manuel “Lito” Lapid (5-8), Senadora Nancy Binay (6-9), dating PNP Chief Ronald “Bato” Dela Rosa (6-9), dating Senador Bong Revilla Jr. (7-10), Ilocos Norte Governor Imee Marcos (9-12), dating Presidential Political Adviser Francis Tolentino (10-16), at dating Senador Jinggoy Estrada (10-16).
Nasa labas naman ng winning circle sina reelectionist Senators Aquilino “Koko” Pimentel III, Bam Aquino, dating Senador Mar Roxas, at Serge Osmeña.
Ang isinagawang survey ng Pulse Asia ay kinabilangan ng 1,800 respondents na may margin error na nasa dalawa hanggang tatlong porsyento.
