Nagpatanid si PNP Provl Dir. Col. Roderico Roy kan CamSur sa mga nagpapatupada mientras na yaon pa sa MGCQ an bilog na probinsya huli sa covid19.
Ini an nagin pahayag kan opisyal matapos na maka-olay kan radio ronda asin kompirmaron na may mga nagpapatupada na sa man lain-lain na lugar kan camarines sur, patunay kaini an dakol ng nagkadarakop kan mga autoridad.
Tinaw’an nin duon ni Roy na maski an mga lisensyadong bulangan, dai pa man tugot an pagkundusir nin bulang mas orog pa an tupada na talagang illegal.
Katakod kaini, pinaguiromdom kan opisyal an saiyang mga kabuhan na darakupon asin sangatan nin kaso an siisay man na magigin enbuelto sa mga patupada sa camsur.
Mientras tanto, padagos man na pinapangatamanan kan liderato kan PNP an gabos na rank and file kan PNP sa camarines sur kontra sa corona virus pandemic.
Ini an siniguro ni Col. Roy kasabay kan pagsabi na may mga minimum health protocol sindang sinusunod sa laog O luwas man kan saindang istasyon.
Inako kan opisyal na nakaka-alarma an nagdadakol na numero kan tinatamaan kan covid19 sa rehiyon kan bicol na mga pulis., parte kan saindang pagigin frontliners sa paglaban kaini.
-M. Barayoga-