Davao de Oro – Panegurohong luwas sa lain-laing klase sa mga risgo ang mga turista nga mobisita sa nagkadaiyang “Tourist Destination Sites sa Province of Davao De Oro” ilalom sa Memorandum of Agreement (MOA) nga gipirmahan ni Gov. Jayvee Tyron Uy bag-o lang.
Nahitabo ang MOA Signing sulod sa Aguacan, Cold Spring Resort sa Maragusan sa milabayng Huwebes (Oktubre 22, 2020) panahon sa Graduation Ceremony sa 27 ka mga Police nga unang migradawar sa tulo ka adlawng “Integrated Tourist-Oriented Police for Community Order and Protection (TOPCOP) Training” nga gituyo pagtunol sa probinsya, sa PNP, sa DOT, ug MLGU Maragusan aron mahatagan ug espesyal nga protection ug pag-atiman ang mga turista nga nagasuroy diha sa paboritong mga lugar sa Davao de Oro nga sagad nilang ginaadtoan.
Kauban sa gobernador nga mipirma sa kasabotan sila PNP Region XI Dir. PBGen. Filmore B. Escobal sa Philippine National Police (PNP), si DOT Region XI Dir. Tanya Rabat-Tan sa Department of Tourism (DOT), Davao de Oro PNP Provincial Director PCol. Roberto P. Alanas, ug Municipal Mayors nga girepresentahan ni Host Municipality Mayor Maricel Colina-Vendiola sa Maragusan.
Mipirma sad ang mga witness sa gihimong kasabotan nga sila Senior Tourism Officer Christine T. Dompor, Maragusan Tourism Officer Leah N. Dalaygon, ug Maragusan COP PMaj. Sobo B. Dirawaton. (Gilbert M Cabahug PAO-ID DDO, photo courtesy by Albert Dayao)