Waya motunga an tinugyanan sa PLDT sa imbitasyon sa Sangguniang Panlungsod kagahapon. Kini human nahinumdum si Kagawad Noel Christian Toti Catre Jr. na sa miaging session taglang-an ni Kagawad Jose Expeditus Bayana si Secretary Nenita Loayon na imbitaron kini aron ipasabot an rason ngaman arang kahinay an signal sa internet.
Sa zoom session na tagtambungan sa RPN DXKS, mibutyag si Sanggunian Secretary Loayon na tagpadayhan nila nan suyat an PLDT jadton Enero 28 apan adisir nagsugod an session kahapon, kini nibalibad na dili maka intra sa zoom session kay may ila daw meeting.
“Kagawad Danilo Menor: Amo man permanente sila!
Kagawad Toti Catre: Mr. Chair!
Kagawad Mario Gesta: Yes Atty!
Kagawad Catre: I saw a facebook post from Dr. Plandano saying that they have a scheduled orientation for CoViD vaccination now but they cannot do it because there is no internet. The internet they are using is PLDT. Purya gaba sab!”
……
Tagsugyot ni Kagawad Catre na makigtigum sila sa City Legal sanan head sa BPLO aron may mahimo nila nga lakang ngadto sa PLDT sa sitwasyon nga arang kahinay o wayay signal sa internet.
Kuman hapon tagpaningkamutan na mapakisayran an PLDT sa nahitabo ngano man kahinay an internet. Sumala pa ni Dr. Emmanuel Plandano na an tubag: “Jaoy deperensiya an fiber optic cable.”