Davao City – Nagpagawas ug impormasyon ang ang City Transport and Traffic Management Office ngadto sa mga motorista nga adunay ipatuman nga road closure gikan alas 10:00 karung gabie, Biyernes, Enero 26, 2024 hangtud sa Enero 29, 2024.
Tumong niini nga mapangita og malutas ang grabehang traffic sa Dakbayan sa Davao.
Isira ang dalan sa San Pedro Street gikan Bolton Street paingon sa C.M Recto; San Pedro Street gikan Bolton extension padulong Magallanes ug Bolton Street gikan Rizal Street ngadto San Pedro Street.
Temporaryo sab nga sirad-an sa Enero 27, Sabado, gikan alas 8:00 sa buntag hangtod sa Enero 29 ang Anda Street gikan Magallanes Street padulong sa kanto Rizal St. ug Ponciano St. (Crooked Road) gikan Rizal St. padulong San Pedro St.; San Pedro padulong Anda ngadto Quirino ug Legazpi St. gikan Rizal padulong sa Magallanes.
Samtang sa Enero 28 gikan ala 1:00 sa hapon hangtud alas 8:00 sa gabii sirad-an ang dalan sa C.M Recto corner Marco Polo paingon sa San Pedro St., ug San Pedro extension gikan Quezon Boulevard padulong sa C.M Recto.
Ingon man ang tibuok dalan sa Roxas Boulevard. (Camille Santos Naraga)
(Source: CTTMO)