Plano ng Samahang Industriya ng Agrikultura (Sinag) na kasuhan ng Economic sabotage si dating Agriculture Sec. Emmanuel Piñol.
Ito’y dahil anila sa kawalan ng aksyon para solusyunan ang African Swine Fever (ASF) na isang malaking banta sa industriya ng magbababoy sa Pilipinas.
Ayon kay Sinag Chair Rosendo So, hunyo pa lang ay napapaulat na tila may kakaiba sa pagkamatay ng mga baboy sa Rodriguez, Rizal at hindi naman agad ito inaksyunan ng Department of Agriculture (DA).
Aniya, August 30 pa ito kinumpirma ng ahensya at September 9 naman ito iniulat sa World Organization for Animal Health.