Bisan pa man ug padulong sa Kaulohan ug Kabisay-an ang direksyon ni Bagyong Rolly, nasinati gihapon sa dakbayan sa Dipolog ang gikusgon niini.
Tungod niini, nangandam sa usab ang CDRRMC sa posibleng pagbaha o pagdahili sa yuta sa mga kabukiran tungod sa gibug-aton sa tubig ulan nga dala sa naasoy nga bagyo.
Gikatahong dili hiabtan ang Zamboanga Peninsula sa gikusgon niini ug pisik lamang matud pa ang masinati, subling nagpahinumdom ang City Risk Reduction Management Council sa mga katawhan, aron dili na mausab pa ang nahitabo ug nasinati sa mga katawhan ning lokalidad, ilabina sa mga kasikbit niining mga lungsod kaniadtong nakalabayng Bagyong Vinta. (OIC Lyza Bautista, RPN DXKD Dipolog)