Hihingi ng tulong ang PHIVOLCS sa United States Geological Survey (USGS) at National Aeronautics and Space Administration (NASA) upang makakuha ng karagdagang datos at imahe ng Bulkang Taal mula sa kanilang satellite.
Ayon kay PHIVOLCS Volcano Monitoring Chief Ma. Antonia Bornas, ang mga datos na makukuha sa kanilang satellite ay gagamitin para kalkulahin ang volume ng magma na nasa Bulkang Taal.
Aniya, bagamat nananahimik ngayon ang bulkan ay posible paring malakas ang pagsabog nito.
Samantala, aalamin rin ng PHIVOLCS kung pansamantala lamang ang mabagal na aktibidad ng Bulkang Taal.