Tag anunsiyo kuman buntag ni PRC Surigao del Norte Chapter Chairman of the Board Atty. Arturo Carlos A. Egay Jr. na magsugod na kuman na adlaw an operasyon sa PRC MOLECULAR LABORATORY na nahimutang sa Brgy. Bonifacio, Surigao City.
An operasyon sa laboratory mo proseso kini hangtud sa 2,000 ka swab specimen alang sa RT-PCR kon Reverse Transcription Polymerase Chain Reaction result.
Duha ka machine an gamit sa laboratory na tinguha na mag operate suyod sa 12 ka oras kada adlaw.
An bayranan sa swab test sumala pa ni Atty. Egay mas ubos kini kay sa price cap sa national government diin
₱ 3,300 an bayran sa isa ka government employee.
Tag-inaugurahan sa Philippine Red Cross (PRC) niadtong Disyembre 10 an ika-12 niini na molecular laboratory sa Pilipinas diin moprocess kini hangtud sa 2,000 swab samples sa coronavirus disease (COVID-19) kada adlaw.
An PRC testing center mipasar sa Department of Health na proficiency test niadtong Disyembre 9, 2020 diin jaoy 16 ka medical technologists an mag operate niini sanan tag-issue na an License to Operate.
Si Senador Richard Gordon, chairman sa PRC nagbutyag na ini na facility na tagtukod sa Surigao City tungod sa tabang nan THPAL, Nickel Asia Corporation, Surigao State College of Technology sanan sa kagamhanan sa Surigao City ug Surigao del Norte.
Para sa dugang pakisayod pwede tawagan an PRC Hotline 09213334012 or landline 8261347. (RPN DXKS Surigao)