Ang kanhi gibiay-biay ug gilikayan nga dapit nga mao ang open dumpsite sa Upper Dagong, barangay Carmen usa na sa mga dugokan isip bag-ong eco-tourism attraction dinhi sa Cagayan de Oro.
Kini human gipahibalo ni Engr. Armen Cuenca, hepe sa City Local Environment and Natural Resources Office (CLENRO), nga buksan na sa publiko ang Phase 1 sa Eco Park nga naglangkob sa rotunda, bike and jogging lane, lakip ang amphitheater niini.
Ang 17-hectare Eco Park gisugdan human hingpit nga gisirado ang kanhi open dumpsite Abril 2017 sa pag-abag ni Vice Mayor Raineir Joaquin Uy ug majority sa mga miyembro sa konseho ning syudad pinaagi sa paghatag og budget aron masugdan ang rehabilitation phase sa maong dumpsite.
Kahinumdoman nga naghatag usab og ₱ 70 million budget ang Department of Budget and Management alang sa maong katuyoan.
Lakip sa mga attraction sa Eco Park, kung hingpit na kining matibawas, mao ang butterfly garden, lagoon, picnic/food area, adult/children playground ug daghan pa.
(City Information Office, photo courtesy by Jomar Figuracion)