Davao City – Kauban si Davao City Vice Mayor Sebastian Duterte, gitunol ni Chinese Consul General Li Lin Led ang moakabat sa 310 ka mga Huawei Laptop nga gidonar sa People’s Republic of China sa Lokal nga Kagamhanan.
Malipayon ang mga estudyanti sa High School nga nakabenepisyo sa programa sa lokal nga kagamhanan nga gitawag ug ” Students Siblings Laptop Sharing Project” sanglit duna na zilay magamit sa ilang Online Class ning panahon sa COVID 19 Pandemic.
Atubangan sa mga tinun an, gidasig ni Vice Mayor Sebastian Duterte ang mga hintungdan nga magpakalig on ning panahon sa Pandemya aron dili mabalda ang ilang mga pagtuon.
“I encourage you to study diligently and be more determined to finish your education, so you can also pay it forward one day and help your families,” the Vice Mayor said.
Samtang si Chinese Consul General Li Lin nagpahimangno usab sa mga estudyante nga itanom sa ilang hunahuna ang tanang kaayuhan sa ilang kaugmaon. Maangkon lamang kini pinaagi sa ilang maayong pagtuon samtang mga bata pa.
“A journey of a thousand miles starts from the first step” sumala pa ni Chinese Consul General Li Lin.
“while we are fighting the virus – boys and girls, please stay at home, stay safe, study hard, and be prepared to serve the country and make contribution to our friendship when it’s your turn.” dugang pasabot ni Lin.
Atol sa pormal nga pagtumol sa mga Laptop, mitambong usab sila ni Vice Consul Cao Jianwei, PCUP Commissioner Norman B. Baloro, City Mayor’s Office Chief of Staff Ms. Barbara Carla Q. Echavia.
(City Information Office | OIC Michael Manguhig, RPN DXKT Davao)