An mga libre na serbisyo gikan sa siyudad, tagdaya nan People’s Day Program ni City Mayor Pablo Yves L. Dumlao II, sa Brgy. Aurora sanan Zaragoza kuman na adlaw, Abril 15, 2024.
Mi total sa 1,284 ka mga residente gikan sa duha ka barangay an nakadawat nan lain lain na libreng serbisyo sanan benepisyo pinaagi sa programa.
An City Social Welfare and Development Office didto naghatag nan mga libreng wheel chair o assistive device sa mga benepesyaryo na mga Senior Citizens sanan Persons With Disabilities (PWD).
Pinaagi sa raffle draw, traynta (30) ka mga residente ang nakadawat nan tag lima (5) ka kilo na bugas sanan canned goods gikan kay Mayor Paul Dumlao.
Tagpilahan sab nan mga residente ang mga libreng serbisyong medikal, dental, pati veterinary.
Mikadto sanan personal na mitambong sab sa programa sila City Councilor Christian Noel Catre Jr., sanan City Councilor Karl Duane Casurra.
Dako an pasalamat ni Kapitan Peterson Rosello, an Kapitan nan Aurora, sa People’s Day Program ni Mayor Dumlao kay dako sab ini na tabang sa ija mga kabaranggayon na nanginahanglan nan serbisyo hilabi na kay dili na sila mukadto pa sa siyudad.
“Si Paul Dumlao first time politician, duha pa ka tuig, pero tungod sa ato organisasyon, tungod sa ato mga leaders, tungod sa ato panag-iban, tungod sa ato pagtinabangay, nakahatag kita nan dili ra mga programa kun dili pati mga proyekto sa tanan barangay nan Surigao City,” unod sa mensahe nan Mayor. (Mark James Lisondra)
(Source: Surigao City PIO FB Page)
