Isip pagtumong sa pagpakunhod sa marine plastics sa lokalidad,napili ang dakbayan sa Dipolog nga ika-6 nga Coastal Cities sa Partnerships in Environmental Management for the Seas of East Asia(PEMSEA), nga nagtipik sa slogan program nga “Kadagatan Ampingan, Plastic Likayan” nga sayron atol sa pag selebrar sa World Ocean Day nga pagahimuon sa may alas 6:00 buntag, karong Hunyo 7,2024 didto sa D’Food Hub and Event Center, Dipolog Boulevard.
Ang maong kalihokan pasiugdahan sa Panggamhanan ning syudad sa Dipolog kauban sa Marine Environmental Protector (MEP) gikan sa tulunghaan sa Andres Bonifacio College.
Kalabot niining programaha mao ang pag pahigayon ug usa ka Beach Monitoring nga ipahigayon sa pakigtambayayong sa Dipolog Medical Center.
Sundan sa usa ka clean-up drive uban sa mga partisipante gikan sa City Government, barangay, ug nagkalain-laing ahensya sa gobyerno ug stakeholders, alang sa serye sa pagpahigayon ug pagpatuman sa kalihokan. (Medalyn U. Borja)
(Source: Dipolog ENRO)