Davao City – Sulod sabtulo ka adlaw nga gipailawom sa Peace Building Seminar ang dul an sa usa ka gatos ka mga kanhi supporter sa rebeldeng New People’s Army sa Brgy. Pandaitan, Paquibato District ning syudad sa Davao.
Mitambong sa pagsugod sa programa sila ni 1003rd Infantry Brigade commander, Brigadier General Nolasco A. Mempin inubanan ni 89th Infantry Battalion commander Lieutenant Colonel Donald Gaffud. Mitambong usab sa aktibidad si Police Major Marvin Hugos ang hepe sa Paquibato Police Precinct ug Kapitan Lorenzo Verzano sa Brgy. Pandaitan.
Sa iyang mensahe, gibutyag ni General Mempin nga mahinungdanon ang tulo ka adlaw nga Peace Building Seminar aron masabtan sa katawhan ang mga Programa ug Proyekto nga gipatuman sa kasamtangang administrasyon ni Presidente Rodrigo Duterte.
Kahinumduman nga gipakanaug ni Presidente Duterte ang Executive Order number 70 kun whole of the Nation Approached aron matubag ang nag unang panginahanglanon sa mga hilit nga komunidad sa nasud.
Samtang si Lieutenant Colonel Gaffud mipadayag sa iyang pagpasalamat sa mga mitambong sa maong aktibidad aron usab nga mahinluan na ang ilang mga pangalan. Nasayran nga ang mga mitambong naglangkob sa mga supporter sa komunistang NPA nga naglihok sa Paquibato District.
Sa pikas bahin, mapasalamaton usab si Kapitan Lorenzo Verzano nga ubay ubay ang mitambong sa gipahigayon Peace Building Seminar nga gipaluyuhan sa 89th Infantry Battalion. Sumala pa ni kapitan Verzano nga pinaagi niini, hingoit nang maangkon sa iyang barangay ang hingoit nga Kahapsay ug kalinaw.
Tungod sa Peace Building Seminar, positibo si kapitan Verzano nga mosunod na niini ang kalambuan sa Brgy. Pandaitan.
Nasayran nga sulod sa tulo ka adlaw nga Peace Building Seminar, motambongbusab ang mga representante sa nagkalain laing ahensiya sa kagamhanan aron maghatag ug lektura bahin sa mga programa ug proyekto nga mamahimong mabenepisyuhan sa ilang komunidad.
(OIC Michael Manguhig, RPN DXKT Davao)