Gibutyag sa Philippine Drug Enforcement Agency (PDEA)- Northern Mindanao nga duna pay mga opisyal sa barangay nga protector sa illegal nga kalihokan, ilabi na sa druga, matud pa ni Regional Director Wilkins Villanueva sa PDEA nga dili sila mohunong pagpakgang sa mga opisyal nga naa sa listahan sa nga protector. Hangtud karon, nagpadayon ang gihimo nilang pagpangronda sa mga nalambigit sa illegal nga druga. Naghagit si Dr. Villanueva ngadto sa mga hingtungdan nga mohunong na sa maong buhat. Apan sa pikas bahin, siya nanaad nga hangtud dili pa maguba ang iyang helmet, dili siya mohunong paggukod sa nga nalambigit sa illegal nga druga.
Nasayran nga duha sa nag-unang napulo ka mga most wanted sa pagpayuhot sa ginadiling druga ang nadakpan nga mao sila si Pidao Macaondot Itomama alyas Jalilah Tanggo/Jalila Macapanton, 35 anyos, minyo ug usa ka Divina Sumagayan alyas Diding, 53 anyos balo nga molupyo sa Sitio Carinogan, Carisma Riverside, Lower Balulang ning dakbayan sa Cagayan de Oro City.