Nadakpan na ang Top 1 Most Wanted Person sa DILG reward list nga si Ruben B. Ecleo Jr. a.k.a. “Manuel Riberal” ug “Master Bobong”, 60 anyos nga nagpuyo sa Lot 6, Blk 8 by Orosa, Diamond Subd., Balibago, Angeles, Pampanga ug lumad nga taga Dinagat Islands.
Kauban nga nadakpan ang iyang driver nga si Benjie Relacion Fernan a.k.a. “Smile”, 35 anyos nga residente sa Diamond Subdivision, Balibago, Angeles, Pampanga ug lumad nga taga San Jose, Dinagat Islands. Si Benjie Fernan kasohan sa Viol of Sec 1 (c) of PD 1829 “Penalizing Obstruction of Apprehension and Prosecution of Criminal Offenders.”
Alas 4:30 kaganihang kaadlawon Hulyo 30, 2020 nadakpan si Ecleo didto sa City of San Fernando, Pampanga pinaagi sa hiniusang pwersa sa RID-RSOG and RMFB sa National Capital Region Police Office nga misilbi sa Alias Warrant of Arrest kang Ruben B. Ecleo Jr. a.k.a. “Manuel Riberal” sa Viol of Sec 3 (e) of RA 3019 “Anti-Graft and Corrupt Practices Act” with Criminal Case No. 24467 to 24469 issued by Efren N. Dela Cruz, Chairperson of 1st Division Sandiganbayan, Quezon City.
Silang duha ka dinakpan gipahibalo sa ilang constitutional rights ingon man right to Medico Legal Examination ug gidala dayon sa NCRPO, Camp Bagong Diwa, Bicutan, Taguig City, Metro Manila alang sa dugang imbestigasyon ug disposisyon sa kaso.
Kahinumduman si Ecleo may warrant of arrest sa iyang conviction sa Anti Graft and Corrupt Practices Act dihang mayor pa kini sa San Jose, (Dinagat Islands) Surigao del Norte
Si Ecleo niadtong Abril 2012 gikombikto sa korte tungod sa kasong parricide o pagpatay sa asawa nga si Alona Bacolod Ecleo, kinsa nagpuyo kaniadto sa ilang balay sa Banawa, Guadalupe, Cebu City niadtong Enero 5, 2002. Giiingong gituok ni Ecleo si Alona ug ang patay’ng lawas nakit-an 3 ka adlaw human sa krimen. Ang patay’ng lawas ni Alona gisulod og garbage bag ug gilabay sa kimba sa Coro, Dalaguete. Gisilotan siya sa Reclusion Perpetua sa korte sa Cebu ug gipabayad sa 25 milyones ka pesos nga damyos ngadto sa pamilya sa iyang asawa.
Kon kahinumduman, nahimong dugoon kaniadto ang operasyon sa kapolisan pagdakop ni Ecleo tungod sa pagsukol sa iyang private army sa San Jose, Dinagat Islands.
Samtang gidakop si Ecleo, gi-massacre sab ang pamilya ni Alona sa Mandaue City.
Si Ruben B. Ecleo Jr. usa ka kanhi Kongresista sa lone district sa Province of Dinagat Islands. Basi sa report sa kapulisan, Manuel Riberal ang iyang gigamit nga pangalan didto sa Pampanga. Adisir siya na-convicted sa pagpatay sa iyang asawa, ang Sandigang bayan niadtong Oktubre 2006 mipakanug ug silot nga siya mabilanggo sa 31 and a half years tungod sa anomalous construction deals sa dihang siya ang mayor sa lungsod sa San Jose, Surigao del Norte niadtong 1991-1994.
Si Ecleo ang kanhi Supreme leader sa Philippine Benevolent Missionaries Association, Inc. nga nakabasi sa Dinagat Islands.
Sa report gikan sa NCRPO Chief nga si Police Major General Debold Sinas, unom ka bulan gipanid-an nila si Ecleo. Ang mga operatiba nagtakuban nga trabahante ug garbage collectors aron makaduol kang Ecleo tungod kay gilibutan kini sa daghang followers. May patong sa ulo nga 2 million pesos isip reward sa kagamhanan alang sa iyang pagkadakop. Siya ang Top No. 1 Most Wanted Person sa Department of Interior and Local Government nga reward list.
(with DYLA Cebu, NCRPO Spot report & Ariel Fernandez I RPN DXKS)