General Santos City – Padayon pa karong ginasuta sa kapulisan sa Tambler police station kung wala ba’y foulplay sa kamatayon sa usa ka dalaga human kining nakaplagang nagbitay na sa punoan sa kahoy nga wala nay kinabuhi sa Prk. Calatao, Brgy. Tambler ning syudad alas 6:30 ang takna sa buntag Mayo 1 , tuig 2021.
Naila ang maong dalaga nga si Vanessa Sulite Guliman, 20 anyos , residente sa brgy. Fatima ning syudad.
Sumala pa basi sa inisyal nga imbestigasyon sa kapulisan sa Tambler police station, sa pagpanguna sa ilang labaw nga si PMaj. Ananias Vazquez , alas 6:00 pasado ang takna sa buntag nakadawat na lamang matud pa sila ug taho ang adunay patay sa maong lugar.
Gilayong giadtuan sa patrol team ang lugar kung asa nakita na lamang nga nagbitay ang biktima sa punoan sa kahoy ug wala nay kinabuhi.
Narekober sa crime scene ang usa ka cellphone, tsinelas , sling bag nga adunay cash nga P 70.00 pesos. Sa kasamtangan wala pay pamahayag ang kabanay sa maong dalaga samtang ang patayng lawas niini ang ana na sa local nga purenarya ning syudad. (John Rey Somido)