Radio Philippines Network
DYKC Cebu News Provincial News

Pasyente sa rehab center sa Mandaue gisubay ang hinungdan sa “pagkahug”-patay gikan sa ikaduhang andana sa bilding

Padayon pang gisubay sa kapolisan ang tinuod nga hinungdan sa pagkamatay sa usa ka rehab patient nga gikatahong natagak sa ikaduhang andana sa 180 Degrees Rehabilitation Center sa dan P.Sanchez, brgy. Pagsabungan, Mandaue City niadtong Enero 7.

Giila ang biktima nga si Julius James Sison, 39, nga taga Purok 8, Camputhaw, Cebu City.

Nahinabi sa media, si Major James Conaco, hepe sa kapolisan sa Basak, miingon nga nakadawat silag taho gikan sa kapolisan sa Consolacion bahin sa tawong nahagbong sa ikaduhang andana sa rehabilitation center.

Base sa blotter, gidala sa Mendero Medical Center sa Consolacion ang biktima apan gideklarar nga patay na.

Suma pa ni Conaco, ang kapolisan sa Consolacion miingon nga nakaangkon si Sison og daghang bun-og sa lainlaing bahin sa lawas, na-black eye, ug may samad dinunggaban sa tiil.

Nakita usab sa lawas sa biktima ang mga lagom nga giingong agi sa pagbunal og tubo.

Pagkakaron, gisuta pa sa mga imbestigador kon wala ba dagmali si Julius James Sison sud sa rehab center.

via Jhon Tadlip/JTY
Source: Basak Police Station
Photo:  Lopez Tata

Related posts

141 Ka Barangay Sa Sarangani Province Gipang-Apuran Og Tag-Dyes Mil Ka Pesos (₱10k), Dose (12) Kilos Nga Tuna Flakes, Mga Sinakong Bugas Ug Face Masks Alang Sa Mga Barangay Frontliner

RPN

Hacking Incident At Purok 1, Mati, San Miguel, Zamboanga Del Sur

RPN

PHIVIDEC Nangandam alang sa Katukuran sa Integrated Steel mill port expansion

RPN News