Madama pay laeng iti panaguk-ukkon ti Provincial Agriculture Office manipud kadagiti nagduduma nga ili no mano iti pakabuklan ti nadadael a mula a pagay dagiti mannalon gapu ti kinakurang ti danum.
Kuna ni Provincial Agriculture Officer Mrs. Norma Lagmay a nupay madaman ti panaggapas dagiti mannalon iti pasetna ti dumaya iti probinsia, saan da pay a masinunuo no mano ti ireportda iti Regional Office ti Dept. of Agriculture.
Inlawlawagna a adagiti kangrunaan a naapektaran ket dagiti rainfed areas wenno mangnamnama lattan iti tudo idinto a dagiti irrigated area ket adda bassit iti pimmintasan ti apit da.
Nupay kasta, impanamnama na a kadagiti sumarsaruno nga aldaw ket mangparuk-at da iti “official validated report” pakaseknan ti maapit ken perdision dagiti mannalon.
Iti baet daytoy, kuna ni Mrs. Lagmay nga isagsagana lattan ti gobierno probinsial babaen ken ni Gob. Matthew Marcos Manotoc ti rehabilitation plan tapno adda iti pagabrutan dagiti agtaltalon.
Inlawlawagna nga adda pay laeng manalin a maibunong a rehabilitation materials kadagiti mannalon kas iti nagduduma ti klase na a bin-I a b ukel ti nateng ken dadduma pay.
Kabayatan na , inrakurak ni Mrs. Lagmay nga adu metten dagiti inbunong ti opisina da manipud iti Regional Office ti D.A. a nagduduma a makinarya, pag-spray iti manga,abono back pack sprayer ken dadduma pay a kasapulana rmit dagiti mannalon. (Irene Ringo, RPN DZRL Batac – Correspondent)
(Source: Provincial Agriculture Office)