Panukalang nagbababa ng optional retirement age lusot na sa komite sa Kamara

Lusot na sa House Committee on Government Enterprises and Privatization ang panukalang nagbababa ng optional retirement age ng mga kawani ng gobyerno.

Sa ilalim ng panukala, gagawin ng 56 years old ang optional retirement age para sa mga nasa pamahalaan mula sa kasalukuyang 60 years old.

Samantala, mananatili naman sa 65 years old ang mandatory retirement age.

Layon ng panukala na bigyan ng kalayaan ang empleyado ng gobyerno na magretiro nang mas maaga na buo pa rin ang retirement benefits.