Insayangkat ti National Commission of the Indigenous People wenno NCIP ti “training” wenno pannakaisuro dagiti legal a banag a nasken nga aramiden dagiti ‘mandatory representative” manipud iti barangay, munisipio ken iti probinsia.
Imbatad ni NCIP Regional Director Manuel Jaramilla a babaen iti daytoy ket maammoan dagiti maseknan dagiti rumbeng nga aramidenda makitiponda kadagiti pagpandayan linteg iti barangayda, munisipioda wenno iti probinsiada.
Inlawlawagna a paset daytoy iti pannakaisagana dagiti IP’s a makipagkameng kadagiti pagpandayan linteg.
Segun kenkuana, masapul a sakbay a dumatagda iti pagpandayan linteg ket nasken nga adda ti balonda a resolusyon wenno kapanpanunutan.
Innayonna a kas pannakabagi dagiti IP’s iti barangay, munisipio wenno probinsia ket masapul a nakasaganada a mangidatag iti kalikagum dagiti kalugaranda.
(Cita Macalipis, RPN DZRL Batac Correspondent)
(Source: Provincial Government of Ilocos Norte)