29.8 C
Manila
Sunday, April 14, 2024

Pannakaipaay Pay Ti Nayon A Vaccines Iti Anti Covid Ditoy Ilocos Norte Kadagiti Masungsungad Nga Aldaw Ken Dadduma Pay A Pagsayaatan Tapno Maalay Ayan Iti Pandemiya Gubbuay Ti Covid 19

- Advertisement -

Daytoy ti maysa kadagiti napagsasaritaan da Gob. Mathew Marcos Manotoc ken dagiti pannakabagi ti Dept. of Health a pakaibilangan ni Asst. Regional Director Mar Wyinn Bello; Dr. Fanny Domingo; Dr. Josephine Ruedas, OIC provincial health Officer; Dr. Rogelio, Ilocos Norte Public Health Consultant.

Balbag ken dadduma pay iti mismo a Bonsai Garden iti sango ti kapitolio.

Impakaammo ni Bello a 20,000 a vaccines ti inted iti DOH ditoy probinsia itay napan a lawas a mausar a pagbakuna kadagiti kaprobinsiaan manipud iti 21 nga ili ken dua a ciudad.

Segun kenkuana, adu pay dagiti mabakunaan ditoy Ilocos Norte kontra covid a pangproteherda ti bukod a bagi manipud iti virus.

Gapu iti daytoy, impasingked nga agtultuloy iti panangipaay ti DOH iti nayon a bakuna kadagiti sumarsaruno pay a mapasangpet ti pagilian kadagiti naayat a pagpagilian a mangmangted iti donasion nga anti-covid vaccine.

Malaksid iti daytoy, kunana a mangipaay pay ti DOH iti augmentation stafi ngaa agserbi iti Gov. Roque Ablan Senior Memorial Hospital.

Kunana a 15 a nurses ti maideploy iti GRASMH kadagiti sumarsaruno nga aldaw idinto a 10 met a nurses iti Mariano Marcos Memorial Hospital and Medical Center iti Batac City.

Kunana a nakasagana pay ti DOH a mangideploy iti nayon a tao manipud kadagiti nagduduma a regional hospital kas iti Ilocos training and regional medical center wenno ITRMC region one medical center ken iti MMMH and MC

Nupay kasta, kunana a saan pay laeng nga inawat ti Memorial Hospital and Medical Center iti nayon a tao gapu ta kontrolado da pay laeng ti situasion ken kabaelan da pay laeng nga iwanwan dagiti pasyente da. (Cita Macalipis, RPN DZRL Batac Correspondent)

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -