28.9 C
Manila
Friday, March 29, 2024

Panghatag og bag-ong prangkisa sa mga tricycle sa GenSan subling natangong sa SP-GenSan, ordinansa angayan tun-an sa igong panahon

- Advertisement -

Sa boto nga 8-4 pakyas ma-aprobahan sa 3rd and final reading sa sesyon sa Sangguniang Panlungsod (SP) ning s’yudad sa General Santos karong adlawa (Marso 7, 2023) ang SP-Proposed Ordinance No. 2023-0122 (AN ORDINANCE PROVIDING FOR RULES, REGULATIONS AND OPERATING CONDITIONS FOR THE GRANT OF MOTORIZED TRICYCLE OPERATORS PERMIT (MTOP)/FRANCHISES FOR MOTORIZED TRICYCLE FOR HIRE IN THE CITY OF GENERAL SANTOS AND AUTHORIZING THE BUSINESS OPERATION THEREOF).

Gimugna ug giduso nii Gensan City Councilor, ATTY. DOMINADOR LAGARE JR; kasamtangang Chairman sa Committee on Transportation, ang maong Ordinansa kauban ang mga co-author niini nga sila City Councilors: Jose orlando Acharon, Richard Atendido, Edgar Acharon, Ma. Lourdes Casabuena, Virginia Llido, Rolito Blando, Jonathan Blando ud Salvador Demdam.

Pero sa maong katikaran, mismo ang pipila ka co-author sa nasampit nga Ordinansa ang wala mipabor nga aprobahan kini kaganina, tungod sa pipila ka mga rason.

Una, kadaghanan sa mga Konsehal pakyas mahatagan og kopya sa SPPO 2023-0122-A, hinungdang pakyas nilang nasuta ang kinatibuk-ang unod niini.

Ika-duha, daghan pang mga pangutana ug isyu o problema nga angay pa untang resolbahon sa Komitiba sa Transportasyon ayha mohatag og prangkisa ngadto sa mga girekomendang Tricycle drivers ang SP-Gensan, hinungdang dunay mga sugyot nga i-lay-on the table una kini.

Apan dili matud pa kahulat og dugay si Konsehal Lagare ug gihingusgan niini nga himoon na ang botasyon kaganina, butang nga gisanong usab ni Vice Mayor Rosalita Nunez nga maoy nag-preside sa sesyon.

Human sa botasyon pinaagi sa roll call sa mga Konsehal migawas sa talaan sa SP-Secretary nga 8 ka Konsehal ang supak nga aprobahan ang Ordinansa, 4 ang uyon, 1 abstain, 1 out ug 1 ang naka-official leave.

Gikasuko gayud ni Konsehal Lagare nga napildi sa botasyon, hinungdang mipadayag kini nga ang gihimong botohan gipaagi lamang sa padaghanay sa membro sa partido.

Tubag ni Vice Mayor Nunez, dili lang kanila sa RCRI party applicable ang gisulti ni Konsehal Lagare, tungod applicable usab kini kang Konsehal Lagare isip sakop sa pikas partido, ang PCM party.

Pero sa panig ni Konsehal Yumang, gi-isplikar niini nga uyon siya sa maayong tumong ug tinguha sa giduso nga Ordinansa ni Konsehal Lagare, apan kinahanglan matud pa una kining tuki-on ug i-plantsa ang mga nahimong bikil niini. (Fred Degala)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -